Sideiropa

Sideiropa is a zammfossnde Bezeichnung fia de Stootn Portugal, Spanien, Andorra, Monaco, Italien, San Marino, de Vatikanstod, Griachaland und Malta (wia aa: Gibraltar).

Im weitan Sinn schliaßt da Begriff Sideiropa aa de Lända Sidosteiropa eih, insbsondane de Middlmeeaonrainastootn Slowenien, Krowozien, Montenegro und Oibanien.

Ois Grenz zu Sideiropa werd haifig da Oipnboong gnennt, somid werd aa de Sidschweiz zu Sideiropa midzejd. De klimatische Grenz is deitli on de Oipniwagäng spiaboa, z. B. St. Gotthard, San Bernardino.

In gwissn Kategorisarunga wern aa Bosnien-Herzegowina, Serbien, Kosovo, Mazedonien, Buigarien und Rumänien zu Sideiropa zejd. Unta kuituaraimlichn Kriterien kenna aa Tei vo Sidfrankreich mid Korsika zu Sideiropa zejd wern.